Читать книгу A Gosch wia schwärt - Wilhelm König - Страница 16

A Schächtale

fir vrdorbane Witz

(wuud oemool

endr Woch gläart)

a andrer Ausdrugg fir Fäachta:

Räachthao ond Räachtkriaga

Nui en Bättlmoos Beitl

isch däar Muat

zom Weitrgao ond dui Wuat

uff gschwollane Fiaß

Schaltrschtonda ond Betriibs-

Schtillegonga

Nui en Bättlmoos Beitl

isch a Hood vool Pfennig

zom Rausgee uff a Mark –

Adressa zom librnaachta

Briaf vo andre Bättlleit

a Schrift

wias dia gmacht hant

mo ets dia milda Gaba ausdoelat

ond nemme sae wellat

waase amool gwäa send

Nul en BättImoos Beit

dia Fliach, dia Blee

fir Friidenszeita

dia Ooweisonga

zom Wiidraufbau

– nemme sovl Schbrich

mae Ooschbrich

wenigr Schempfwertr

drfiar Nodizbiachr:

Jeder schreib ets doo

saene Aefäll selbr auf

vorse vrlaora gant

odr vo andre iibrsäa want…

Do ischtr jo friar

niks anders iibrigbliiba

als gefäachta gao

wenndede hoscht

iibr Wassr halta wella

bei danne Breis

bei danne

anhaltende Niidrschlääg