Читать книгу Мои любимые молитвы - Юлия Егорова - Страница 4

ПЕРЕД НАЧАЛОМ ВСЯКОГО ДЕЛА

Царю Небесный…

или

Господи Иисусе Христе, Сыне Единородный Безначального Твоего Отца, Ты бо рекл еси причистыми усты Твоими: яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помози ми грешному, сие дело, мной начинаемо, о Тебе Самом совершити, во имя Отца и Сына и Святаго Духа. Аминь.

ПО ОКОНЧАНИИ ВСЯКОГО ДЕЛА

Исполнение всех благих Ты еси, Христе мой, исполни радости и веселия душу мою и спаси мя, яко Един многомилостив.

ПРЕД УЧЕНИЕМ

Преблагий Господи, ниспосли нам благодать Духа Твоего Святаго, дарствующаго и укрепляющаго душевныя наши силы, дабы, внимая преподаваемому нам учению, возрасли мы Тебе, нашему Создателю, во славу, родителем же нашим на утешение, Церкви и Отечеству на пользу.