Оглавление
Zaur Pənahov. Həyat sandığı
Başlanğıcda
1. Oringen sınağı
2. Qaydaları poz və yaşa
3. Həqiqət yoxsa yuxu
4. Eliondan məktub
5. Keçmişin izləri
6. Qovulmuş nakra yoxsa metha
7. Daha çox mara
8. Qarlı qış
9. Draqzinin ruhu
10. Dəyərli döyüşçü
11. Qaranlıq ruhlar mağarası
12. Qorxu çayı
13. Arxamdakı kölgə
14. Quduz vidralar
15. On bir adanın ruhu
16. Tanrıların qəzəbi
17. Cənnət keşişləri
18. Şərabdan sonrakı gün
19. Gizli müqavilə
20. Amun Ranın intiqamı
21. Fəaliyyət azadlığı
22. İnsan üçün ölüm, yeni bir başlanğıcdır
23. İllüziya dairəsi
24. Yaşıl ulduz
25. Mühafizəçi arpafinlər
26. Kor döyüşçü
27. Ölüm sandığı
Отрывок из книги
Eçso, ağrı içində dizləri üzərinə qalxıb ağzını dolduran qanı daddı. Nəfəs almaqda çətinlik çəkirdi. Bir neçə uğursuz cəhddən sonra çətinliklə də olsa ayağa qalxdı. Qaranlıq çökmüş gözləri hələ yeni görməyə başlamışdı. Dərin bir səssizlik çökmüşdü qaranlıq meşəyə. Nə göy üzü görünürdü, nə də bir neçə qurumuş ağacdan sonra meşənin qalanı. Yalnız o vardı… o və Eçso.
"Özünə bir bax," deyirdi o, üzü örtülmüşdü, səsi tanış deyildi. "Nə etdiyini özün də bilmirsən. Nə üçün mübarizə apardığını, nə üçün… seçildiyini."
.....
Gəldiyi yolla geri qayıdan Eçso, bir neçə küçə uzaqlıqdan gələn səslərə qulaq verdi. Səslər heç şübhəsiz boğuşan iki vidradan gəlirdi. Ara küçələrlə yaxınlaşaraq işıq kürəciyini söndürdü və ehtiyatla evlərdən birinin arxasında gizləndi. Gözləri qaranlığa hələ öyrəşmədiyi üçün demək olar ki, heç nə görmürdü, yenə də səsin gəldiyi yerə işıq tuta bilməzdi. Ehmalca başını çıxarıb səsin gəldiyi boş qaranlığa baxdı. Ara-bir parıldayan selikli vidra bədəni və ağaran dişləri xaricində heç nə görmürdü.
Vidralar şiddətlə boğuşur, keçən hər dəqiqə daha qudurğan səslər çıxarırdılar. Eçso gözünü çəkib geri söykəndi. Çox yaxınlaşdığını hiss edirdi. Heç şübhə yoxdur ki, burdakı vidralar kanalizasiya sistemində yaşayırdılar və ora gedən yolu ən yaxşı onlar bilirdi. Silahlarını tapmaq üçün yuvasına gedən bir vidranı təqib etmək kifayət idi. Boğuşma səsləri vidralardan birinin şiddətlə zingildəməyindən sonra azaldı. Eçso evin arxasından ehtiyatla başını çıxararaq yenidən baxdı. Nisbətən daha yaxşı görürdü. Vidralardan biri yerə çöküb sanki mərhəmət diləyirdi, qalib gələn məxluq isə yuxarıdan aşağı təhdidlə mırıldayırdı.
.....
