Читать книгу Capbreu de la Confraria d'Òrfenes a Maridar de València (segles XIV-XVII) - AA.VV - Страница 24

||^26v Noverit universi quod ego Petrus Bou, civis, habitator Valencie, maiordomus laudabilis Confrarie sive elemosine Orfanorum dicte civitatis, ut de dicto posse meo constat cum instrumento recepto per honorabilem et discretum Ambrosium Alegret, notarium ac sindicum, predicte civitatis, quinta mesis iulii anno Domini Mº CCCCº LXXº, habens plenum posse subscripta et alia faciendi gratis et de certa sciencia confidens ad plenum de industria vestri venerabilis et discreti Iohannis Perilles, notarii, civis dicte civitatis, facio, constituo et ordino vos eiusdem Iohannem Perilles absentem etc. in iudicem dictarum Orfanarum, videlicet ad instandum, rogandum et requirendum quod fiant confessiones per detentores et possesores rerum emphiteoticalium et ipsarum rerum distincte designacionem et descripciones per earum conf(blanc) diligenter declaranda et instumenta publica de omnibus et singulis predictis et de predictis que tenentur sub directo dominio dictarum Orfenarum et de ipsorum detentoribus et (blanc) pensionibus et iuribus ad ipsas orfanas pertinentibus et ad omnes et singulos actus ad hoc necesarios et ad alias utiles vel spedientes, promittentes per me et meos successores quod habeam rata, grata, valida atque firma omnia et singula que per vos in predictis et super ipsis fuerint acta, tam coram iudice ipsarum rerum emphitioticalium quam alias et non revocabo sub bonorum dictarum Orfanarum obligacione.

Quod est actum Valencie, nona iulii anno a Nativitate Domini Mº CCCCº LXXº.

Sig (signe) num mei Petri Bou predicti, qui hec dicto nomine concedo et firmo.

Testes inde sunt honorabiles Gaspar Domingo, civis, et Iohannes de Çamora, scutifer, civis Valencie.³¹⁰