Читать книгу Большая книга знахаря. Рецепты, проверенные поколениями - Александр Аксенов - Страница 59

Господи Иисусе Христе, иже лоза сый истинная, и Отец Твой делатель, Ты и Апостолы нарекл еси рождиями: Тако и ныне Владыко, прииди на лозу сию, и насади; даждь ей хранителя помощь Твою, огради входы и исходы ея Твоим промыслом: избави ю от всякаго обстояния ея, от града, снега, мраза, от грозныя зимы, и ветров сожжения, от бури, и от всякаго нахождения, видимых же и невидимых врагов. Призри и посети виноград сей, егоже насади десница Твоя, да воздаст во время плоды своя: и да сподобимся и мы Твоею благодатию обимати его, и принести Тебе от него, во еже претворитися в кровь пречистаго тела Твоего. Тебе бо подобает всяка слава, честь и поклонение, со безначальным Твоим Отцем, и с пресвятым, и благим, и животворящим Твоим Духом ныне и присно и во веки веков. Аминь.