Читать книгу The Bruce - Barbour John - Страница 36
How the King passed to the Sea, and how the Earl of Lennox was chased.
Оглавление1306 The Knights at the Oars
Eftir the mete sone rais the King,
Quhen he had levyt hys speryng;
And buskyt him, with his mengyhe,
And went in hy towart the se; 570
Quhar Schir Nele Cambell thaim mete,
Bath with schippis, and with meyte;
Saylys, ayris, and othir thing,
That wes spedfull to thar passyng.
Then schippyt thai, for-owtyn mar; 575
Sum went till ster, and sum till ar,
And rowyt be the ile of But.
Men mycht se mony frely fute
About the costis thar lukand,
As thai on ayris rais rowand: 580
And nevys that stalwart war and squar,
That wont to spayn gret speris war,
Swa spaynyt aris, that men mycht se
Full oft the hyde leve on the tre.
For all war doand, knycht and knave; 585
Wes nane that evir disport mycht have
Fra steryng, and fra rowyng,
To furthyr thaim off thar fleting.