Читать книгу Ebs zum Locha fia enk Grantla - Gabriela Hochleitner - Страница 3

Ohne mei Familie hed i ned den Humor, den i heid han,

drum fang i mid am gloana Einblick in mei Lebm an …

Aufgehd‘s! Essn!

Aufgehd‘s, Essn! - da Startschuss bei de Hochleitner‘s dahoam,

do drambens olle daher, ois wadns vor Hunga fast gstoam.

Bo dena muassd fria lerna di aufzummugga,

ansunsdn schaffsdas nia dir an Blotz zum dadrugga.

Und dann gehd`s scha los mid da durananda schmatzarei,

an jedn foid irgendebs andas ei.

Da Martina ihre Katzn ham wieda nur Bledsinn drimm,

und ois Gipfe, da Ryschik dann no in Gang eine gspimm.

An Guadn, sogd da Franz, wos noch der Info nimma schmeckt,

weil‘sn aloa bom Gedankn dra direkt hebt.

Iatz glagds wieda, bevor ma olle an Appetit volian,

und gai Anna, vogiss du fei ned s’Abfallsortian.

Birgit schofft a und d’Anna sogt ja,

hängt oba gleichzeitig a Bitte dra …

Ja, Mama, des moche dann glei,

oba z’Außernzell is a Fest, fohsd me do bitte ei?

Moinsd i hob nix bessas zum doa ois di umananda zum Koana?

A Wasserwechsel fia d’Fisch wad wichtiga dade moana.

I dad bestimmd oan mocha, wenne I oi hed …

D’Gabi jammad, sie find ihre Haustierlosigkeit voi bled.

D’Birgit schauds a mid verzweifeltem Blick,

oba d‘Anna lenkt ob, mid viel Geschick.

Schaud‘s enk moi da Sandra ihr neis Video vo da Emily a,

drauf moind da Franz, dasa ohne Brain damid nix afanga ka.

Auf oamoi is stad und jeder woas woss iatz schlogd.

Oana vo de Hund wird scheinbar grod vo Blähungen blogd …

Das des ausdampfed kann koana dawoadn,

des dabackand a ned de Hoadn.

Na,ja, des war‘s dann midn Essn moi wieda.

Kemmts hoid moi vorbei, mia sama ned zwida.