Читать книгу Ebs zum Locha fia enk Grantla - Gabriela Hochleitner - Страница 4

Partnersuche

Partnersuche is heidzdogs echt ned leichd,

weil oft a da erste Eindruck goa ned reicht.

I mechd zwar iatz koan dava obschregga,

oba wirklich jeda hod an andan Begga.

Beim oana dengst da zwar optisch glei moi ‚Wow!‘,

des haifd oba a nix, wenn a frisst wiara Sau.

Dass da direkt saiba s‘Essn vogehd,

wenns‘d live midgriagsd wos in seim Mei ois vorgehd.

Beim Nächstn denkst da, ‚Mei, do schau her!‘,

der wird oba hint und vorn sein Lem ned Herr.

‚A Familie gründen? Mid dem? Auf goa koan Fall!‘,

braucht ja er scha dei Hilfe überall.

Wenn oana dann amoi ned komisch riacht oda schielt,

hoda an grausamen Kleidungsstil.

Und oans kanne glei song, finds‘d den Mann deiner Träume,

dann is oans sicha, der hod dann scha die Eine.

Man wird aida und die Ansprüche fangand a zu sinkn,

wenna a so nett is, dann derfa a ab und zua stinkn.

Früher wara dir vielleicht z'gloa und z'fett,

kurz vorm 30er findsd na plötzlich ganz nett.

D'Uhr tickt nämlich immer schneller,

bevor ma aloa end, wirds dann doch a ned ganz so hella.

Er kann zwar ned so guad schreim, dafia hoda olle Zähn,

de wos hoid greiz und gwer drin stehn.

De Leid wos oan früher gschockt hom, kemman langsam echt in Frage,

weil‘s gezählt sand, de lieben fruchtbaren Tage.

Wos Zeitdruck aus oam mochd, is echt oft brutal,

ois wad Partnersuche an sich ned e scha a Qual.