Читать книгу Bloß nicht aus der Ruh bringen lassen - Helmut Zöpfl - Страница 27

Glauben

Es gibt Leut, de wo glaubn,

dass an gar nix mehr glaubn,

doch hörn s’ auf ana Tagung

was von ana Befragung,

hörn s’ irgend a Zahl,

wirkt des phänomenal.

Wer Zahlen eahna nennt

oder gar in Prozent

se ausdrucka ko,

des is halt der Mo.

A nackte Zahl nur

is Beweis mehr wia gnua,

der glaubt ma – und wia!

Da geht ma in d’ Knia.

So gläubig wia mia

war d’ Menschheit no nia.

Sogar Atheistn,

de glaubn an d’ „Statistn“.