Читать книгу Bloß nicht aus der Ruh bringen lassen - Helmut Zöpfl - Страница 21

Haussegen

Gib unsrer Familie, gib Eltern, gib Kind

und denen, die Gast in dem Haus hier grad sind,

das richtige Gspür und den rechten Verstand,

vui Zeit und Verständnis aa füranand,

fürs Guate und Schöne a Aug und a Ohr

a guats Wort für den andern und a bisserl Humor

und schenk unserm Haus von dem ganz großn Glück,

des ma nia ganz habn konn hie und da a kloans Stück.

Vui Stundn, vui bunte, grad a so schee,

dass ma sagn möcht am liabstn, Zeit, geh weiter bleib steh.

Bleib immer bei uns bis ans End aller Tag,

dann kann uns nix gschehn, was kommen aa mag.