Читать книгу Wat Meisies moet weet - Jan van Elfen - Страница 3

Dr. Jan van Elfen is dekades lank reeds sinoniem met die grootwordproses van ontelbare jong Suid-Afrikaners. Die vraag na leiding tydens die adolessente jare het ook toegeneem soos wat ons samelewing meer kompleks geword het. Daar is ’n al hoe groter behoefte aan ’n vertroude stem wat kan help om die nuwe realiteite waardeur meisies en jong vroue in die gesig gestaar word, die hoof te bied. Daarom is dit goedgedink om ’n nuwe uitgawe van dr. Van Elfen se gids vir die tienerjare uit te gee. Vir hierdie hersiene en bygewerkte teks is gesteun op inligtingsbronne van die Wêreldgesondheidsorganisasie (WGO), die Sentrum vir Toegepaste Regstudies (CALS), die Mediese Navorsingsraad (MNR) en Health24.com. Die essensie van dr. Van Elfen se betoog is egter behou.