Читать книгу АСАРЛАР ТЎПЛАМИ (3-жилд) - - Страница 81

Қуёшдан маҳтобга бораётирмиз,

Сабоҳдан саҳобга5 бораётирмиз.

Яшамоқ аслида азоб чекмоқдир,

Азобдан азобга бораётирмиз.

Буюк вайронадир одамзот кўнгли,

Биз ўшал харобга бораётирмиз.

Баъзан умримизни кўп ҳисоб айлаб,

Кўп ёлғон ҳисобга бораётирмиз.

Кимлардир савобга чоғланиб чиққан,

Кимлардир саробга бораётирмиз.

Аслида ҳаммамиз энг улуғ Савол,

Энг улуғ Жавобга бораётирмиз.