Читать книгу Сулус буолан умайыам (Буду гореть как звезда) - - Страница 3

Мин, бүгүн

Кэрэ кыыһы көрүстүм.

Үөрүүбүн үллэстэ,

Эрийэбин Ийэбэр

Уолун туһугар, ыалдьар сүрэҕэ

Баары барытын, ууран биэриэх курдук

Аймах билэ дьоҥҥо, сырыыбын кэпсии

Алгыстаах алаадьынан, айах тута

Үөрэ-көтө көрсө, уһун айантан

Үөрүүтүн үллэстэ, ыһар ыһыах

Кэрэ лыах көтөрө, күн уота тыгара

Таптыы көрөр харахтара

Кимнээҕэр да чугас, өрүү сылаас

Уостубат, Ийэ таптала

Төһө да ырааттарбын, күүтэр

Төһө да хомотторбун, таптыыр

Ыллыыр ыллыкпар, ыллаһа

Угуйа кэрэни, эрэнэр уолугар

Таптыыбын Ийэбин,

Тапталгар махтанабын

22/07/2024