Читать книгу Молитвы православным святым - Группа авторов - Страница 18

Весь умне на Небеси водворялся, и низу на земли сущих не оставляеши, сопребывая с нами всечестною главою твоею, великий страстотерпче Христов, приемля от Господа и подая просвещение и освящение вопиющим тебе таковая:

Радуйся, премудросте Божественныя исполненный;

радуйся, промышления Божия о нас таинниче.

Радуйся, богомудренных умов услаждение;

радуйся, боголюбивых душ увеселение.

Радуйся, пресветлый Христов бисере;

радуйся, освященный душею и телом.

Радуйся, во дворех перворожденных на Небеси вселивыйся;

радуйся, в присноблаженных обитаяй чертозех.

Радуйся, света Троическаго зрителю;

радуйся, в молитвах к Богу теплый о нас предстателю.

Радуйся, просвещение душам подаваяй;

радуйся, скорбящим утешение низпосылаяй.

Радуйся, великомучениче и целителю Пантелеимоне.