Читать книгу Молитвы на святые праздники - Группа авторов - Страница 17

Вся тварь в Рождестве Твоем, Пречистая, обрете радость, печаль праотеческую потребляющую: произшедшим бо от Тебе Христом Богом, падшее во грех преслушания естество наше от падения воста и паки любезно Зиждителю сотворися. Темже умильно Ти взываем: Радуйся, всемирныя радости предвозвещение; радуйся, таинство от века сокровеннаго явление. Радуйся, Еюже от падения мы возведошася; радуйся, Еюже, прежде отриновенное, естество наше Богу принесошеся. Радуйся, Еюже Иоаким и Анна поношения безчадия свободившася; радуйся, Еюже безплодие сердец наших в благоплодие применишася. Радуйся, Еюже обилие благ вечных верным от Господа подается; радуйся, Еюже благодарение Господеви от верных приносится. Радуйся, Пречистая Дево, Материю Спасителя мира от века предъизбранная.