Читать книгу Молитвы на святые праздники - Группа авторов - Страница 7

Имущая безмужно родити Спасителя душ и телес наших, Ты и Сама, яко чудо пред велиим и непостижимым чудесем, от неплодных родителей славно родися, Пресвятая Дево. Темже воспеваем Ти сице: Радуйся, от корене Иессеова и Давидова произшедшая; радуйся, от неплодных ложесн праведныя Анны дивно прозябшая. Радуйся, пророчеством Исаии прежде лет древних Дева-Матерь явленная; радуйся, по обетованию Ангела рожденная. Радуйся, скиниею свидения и Ковчегом завета прообразованная; радуйся, процветшим жезлом Аароновым образне предзнаменованная. Радуйся, прежде Рождества Твоего в Матерь Богу Слову освященная и предуготованная. Радуйся, Пречистая Дево, Материю Спасителя мира от века предъизбранная.