Читать книгу Обряды, праздники и обычаи наших предков - Лора Мелик - Страница 12
Глава 1. Младенчество
Первые дни жизни
Молитвы при недостатке молока
ОглавлениеМолитва перед иконой Божией Матери Млекопитательница
Приими, госпоже Богородительнице, слезная моления рабов твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей зриши. Темже тепле припадающе к цельбоносному образу Твоему и умиленно сей лобызающе молим Тя, Всемилостивая Владычице: нас грешных, осужденных в болезнях родити и в печалях питати чада наша, милостивно пощади и сострадательно заступи, младенцы же наша, такожде и родившая их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающыя их исполнятся радостию и утешением, яко да и ныне предстательством Твоим из уст младенцев и сущих Господь совершит хвалу Свою. О Мати Сына Божия! Умилосердися на матери сынов человеческих и на немощные люди Твоя: постигающыя нас болезни вскоре исцели, належащыя на нас скорби и печали утоли, и не презри слез и воздыханий рабов твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко престолу Сына Твоего и Бога нашего, да милостив будет ко грехам и немощем нашим и пробавит милость Свою ведущым имя Его, да и мы, и чада наша прославим Тя, Милосердую заступницу и верную надежду рода нашего, во веки веков.
Тропарь Преподобному Ипатию Печерскому, целебнику, глас 1
Безначальнаго онаго и тихаго места, идеже несть печали, ни воздыхания, достигнути, Преподобие, желая, не дал еси себе зде покоя нимало, но присно день и нощь в делах всяких и жестоком житии трудолюбца подвизаяся пребываеши, тем желаемаго получил уже, Ипате. Молися о душах наших.
