Читать книгу Deche bitoope / El dorso del cangrejo - Natalia Toledo - Страница 12

Nabezaniá’ laame,

napame lade xcore’me ruuchi dxa’ beñe bidxi.

Ruchaaze’ ludxe’ nagupa,

ribi’xhime, royaame naa guidubi dxi,

ruguaa’ xuanga laame,

riula’dxidu beñe.

Ra guirá gueela’ napa’ ti guie’ ruaa yanne’

laame napame jmá biquiixhu galaa decheme.

Xa’na’ bidxadxa gueela’ riguiba’ galaa decheme ra ma biziaa,

rudiime ti rieenque ne xubaaname ne ria’zidu ndaani’ nisa

ti guzulú guendariguite xtidu neca nanadu ne ni yuuba’.