Читать книгу Я люблю читать мою любимую книгу. Черновик - Николай Кузнецов - Страница 6

Бысть во дни Ирода царя Иудейска, иерей некий, именем Захария, от дневныя чреды Авиани, и жена его от дщерей Аароновых, и имя ей Елисавета. Вместе же праведна оба пред Богом, ходяща во всех заповедех и оправданиих Господних безпорочна. И не има чада, понеже Елисавета неплоды, и оба заматоревша во днех своих вместе. Служащу ему в чину чреды своея пред Богом, по обычаю священничества ключися ему покадити, вшедшу в Церковь Господню, и все множество людей молитву дея вне, во время фимиама, явися же ему Ангел Господень, стоя одесную олтаря кадильного, и смутися Захариа видев, и страх нападе нань. Рече же к нему Ангел: Не бойся, Захарие, услышана молитва твоя, и жена твоя Елисавета родит сына тебе, и наречеши имя Ему Иоанн. И будет тебе радость и веселие, и мнози о рождестве Его возрадуются. Будет Велий пред Господем, и вина и сикера (слабее вина) не имать пити, и Духа Святаго исполнится еще из чрева матере своея, и многих от сынов израилевых обратит ко Господу Богу Их. И той предыдет пред Ним Духом и Силою Илииною, обратити сердца отцем на чада, и противныя в мудрости праведных, уготовати Господеви люди совершены. И рече Захариа ко Ангелу: По чесому разумею? Аз есмь стар, и жена моя заматоревши во днех своих. И отвещав Ангел рече ему: Аз Гавриил предстояй пред Богом, и послан глаголати к тебе и благовестити тебе, и будеши молчя и не могий проглаголати, до негоже дне будут, не веровал еси словесем Моим, яже сбудутся во время свое. И беша людие ждуще Захарию, и чудяхуся коснящу ему в церкви. Изшед же, не можаше глаголати к ним, и разумеша, яко видение виде в церкви, и той помавая им, и пребываше нем. И бысть яко исполнишася дние службы его, иде в дом свой. Зачат Елисавета жена его, и таяшеся месяц пять, глаголющи: Яко тако мне сотвори Господь во дни, в няже призре отяти поношение мое в человецех. В месяц же шестый послан бысть Ангел Гавриил от Бога во град Галилейский, ему же имя Назарет, к Деве обрученней мужеви, ему же имя Иосиф, от дому Давидова, и имя Деве Мариам. И вшед к ней Ангел рече: Радуйся, Благодатная, Господь с Тобою, Благословенна Ты в Женах. Она же видевши смутися о словеси Его и помышляше, каково будет приветствие (целование). И рече Ангел ей: Не бойся, Мариам, обрела еси благодать у Бога, и зачнеши во чреве, и родиши Сына, и наречеши Имя Ему Иисус. Будет Велий, и Сын Вышняго наречется, и даст Ему Господь Бог престол Давида отца его, и воцарится в дому Иаковли во веки, и Царствию Его не будет конца. Рече же Мариам ко Ангелу: Како будет, идеже мужа не знаю? И отвещав Ангел рече Ей: Дух Святый найдет на Тя, и Сила Вышняго осенит Тя, тем же и рождаемое Свято наречется Сын Божий, и Елисавета родственница (южика) Твоя, и Та Зачат сына в старости своей, и месяц шестый есть Ей нарицаемей неплоды, яко не изнеможет у Бога всяк глагол. Рече же Мариам: Раба Господня, буди Мне по глаголу Твоему. И отиде от Нея Ангел. Воставши же Мариам во дни тыя, иде в горняя со тщанием, во град Иудов, и вниде в дом Захарии, и приветствовала Елисавету.

И бысть яко услыша Елисавета приветствие Марии, взыграл Младенец во чреве Ея, и исполнися Духа Свята Елисавета,

и возопи гласом велиим, и рече: Благословена Ты в женах, и Благословен Плод Чрева Твоего, и откуду мне, да приидет Мати Господа Моего ко мне. Яко бысть глас приветствия Твоего во ушию моею, взыграл Младенец радощами во чреве моем. И Блаженна Веровавшая, будет совершение глаголанным Ей от Господа. И рече Мариам: Величит душа моя Господа, и возрадовался дух мой о Бозе Спасе Моем, призре на смирение рабы Своея, отныне ублажат Мя вси роди, яко сотвори Мне величие Сильный, и Свято Имя Его, и милость Его в роды родов боящимся Его, сотвори Державу Мышцею Своею, расточи гордыя мыслию сердца их, низложи сильныя со престол, и вознесе смиренныя, алчущия исполни благ, и богатящияся отпусти ни с чем. Восприят Израиля Отрока Своего, помянути милости, яко же глагола ко отцем нашим, Аврааму и семени его до века. Пребысть же Мариам с нею яко три месяцы и возвратися в дом свой. Елисавете же исполнися время родити Ей, и роди Сына. И слышаша окрест живущии и родственники Ея, яко возвеличил есть Господь Милость Свою с нею, и радовахуся с Нею. И бысть во осмый день, приидоша обрезати Отроча, и нарицаху е именем отца его, Захарию. И отвещавши мати его рече: Ни, но да наречется Иоанн. И реша к ней, яко никто же есть в родстве твоем, иже нарицается именем тем. И помаваху отцу его, еже како бы хотел нарещи. И испрошь дщицу, написа, глаголя: Иоанн будет имя ему. И чудяхуся вси. Отверзошася же уста его абие и языкъ его, и глаголаше, благословя Бога. И бысть на всех страх живущих окрестъ их, и во всей стране Иудейстей поведаеми бяху вси глаголи. И положиша вси слышавшии в сердце своем, глаголюще: Что Отроча будет? И рука Господня с Ним.

И Захариа отец Его исполнися Духа Свята, и пророчествова, глаголя:

Благословен Господь Бог Израилев, яко посети и сотвори избавление людем своим, и воздвиже рог спасения нам, в дому Давида отрока своего, яко же глагола Усты Святых от века Пророк Его,

Спасение от враг наших и из руки всех ненавидящих нас, сотворити милость со отцы нашими и помянути Завет Святый Свой,

Клятву, ею же клятся ко Аврааму отцу нашему, дати нам,

без страха, из руки враг наших избавльшимся, служити Ему преподобием и правдою пред Ним вся дни живота нашего. И ты, Отроча, Пророк Вышняго наречешися, предыдеши пред Лицем Господним, уготовати пути Его, дати разум спасния людем Его, во оставление грех их, милосердия ради милости Бога Нашего, в них же посетил нас Восток Свыше,

просветити во тме и сени смертней седящия, направити ноги наша на путь мирен. Отроча же растяше и крепляшеся Духом в пустынех до дне явления своего ко Израилю.