Читать книгу Я люблю читать мою любимую книгу. Черновик - Николай Кузнецов - Страница 7

Иисус Христово рождество: Обрученней бывши матери Его Марии Иосифови, прежде даже не снитися има, обретеся имущи во чреве от Духа Свята. Иосиф же муж ея, праведен и не хотя Ея обличити, восхоте тай пустити Ю.

Ему же помыслившу, Ангел Господень во сне явися ему, глаголя: Иосифе, сыне Давидов, не убойся прияти Мариам жены твоея: рождшеебося в ней, от Духа Свята, родит же Сына, и наречеши Имя ему Иисус (Спаситель), той Спасет люди своя от грех их. Сбудется реченное от Господа Пророком, глаголющим: Се, Дева во чреве приимет и родит Сына, и нарекут Имя Ему Еммануил, еже есть сказаемо: С нами Бог.

Востав же Иосиф от сна, сотвори яко же повеле ему Ангел Господень, и прият жену свою, и не знаяше Ея, дондеже роди Сына своего первенца, и нарече Имя Ему Иисус.

Бысть же во дни тыя, изыде повеление от Кесаря Августа написати всю вселенную. Написание первое бысть владящу Сириею Киринию. И идяху вси написатися, кождо во свой град.

Взыде же и Иосиф от Галилеи, из града Назарета, во Иудею, во град Давидов, иже нарицается Вифлеем, быти ему от дому и отечества Давидова, написатися с Мариею обрученою ему женою непраздною. Бысть же, егда быста тамо, исполнишася дние родити Ей, и роди Сына своего первенца, и повит Его, и положи Его в яслех (кормушка для овец), не им места во обители. И пастыри беху в той же стране, бдяще и стрегуще стражу нощную о стаде своем. И Ангел Господень Ста в них, и Слава Господня Осия их, и убояшася страхом велиим. И рече им Ангел: Не бойтеся, благовествую вам радость велию, яже будет всем людем, яко родися вам днесь Спас, иже есть Христос Господь, во граде Давидове, и вам знамение, обрящете младенца повита, лежаща в яслех. И внезапу бысть со Ангелом Множество Воинство Небесных (Вой), хвалящих Бога и глаголющих: Слава в Вышних Богу, и на земли мир, во человецех благоволение. И бысть, яко отидоша от них на небо Ангели, и человецы пастырие реша друг ко другу: Прейдем до Вифлеема и видим Глагол бывший, его же Господь сказа нам. И приидоша поспешшеся, и обретоша Мариам же и Иосифа, и Младенца лежаща во яслех. Видевше же сказаша о Глаголе Глаголаннем им о Отрочати. И вси слышавшии дивишася О Глаголанных от пастырей к ним. Мариам же соблюдаше вся глаголы, слагающи в сердцы своем. И возвратишася пастырие, славяще и хваляще Бога О Всех, яже слышаша и видеша, яко же глаголано бысть к ним. И когда (егда) исполнишася осмь дний, да обрежут Его, и нарекоша Имя Ему Иисус, нареченное Ангелом прежде даже не зачатся во чреве. И егда исполнишася дние очищения Ею, по закону Моисеову, вознесоста Его во Иерусалим, поставити Его пред Господем, яко же есть писано в Законе Господни: Яко всяк младенец мужеска полу, разверзая ложесна, Свято Господеви Наречется, и еже дати жертву, по реченному в законе Господни, два горличища или два птенца голубина. И, человек во Иерусалиме, ему же имя Симеон, и человек праведен и благочистив, чая утехи Израилевы, и Дух Свят в Нем. И ему обещано Духом Святым, не видети смерти, прежде даже не видит Христа Господня. И Прииде Духом в Церковь. И егда (КОГДА) введоста родителя отроча Иисуса, сотворити има по обычаю законному о Нем, и той прием Его на руку Своею, и Благослови Бога, и рече:

Ныне отпущаеши Раба Твоего, Владыко, по Глаголу Твоему, с Миром, яко видесте очи мои Спасение Твое, еже еси уготовал пред лицем всех людей:

Свет во откровение языком, и Славу людей твоих Израиля.

Иосиф и мати Его чудящася о глаголемых о Нем.

И благослови Симеон, и рече к Марии матери Его: Лежит на падение и на востание многим во Израили, и в знамение пререкаемо,

и Тебе же Самой душу пройдет оружие, яко да открыются от многих сердец помышления.

И Анна пророчица, дщи Фануилева, от колена Асирова, заматоревши во днех мнозех, живши с мужем седмь лет от Девства своего, и та вдова лет осмьдесят и четыре, яже не отхождаше от церкве, постом и молитвами служащи день и нощь.

И та в той час приставши исповедашеся Господеви, и глаголаше о Нем всем чающим избавления во Иерусалиме. Иисусу же рождшуся в Вифлееме Иудейстем во дни Ирода царя, волсви от восток приидоша во Иерусалим, глаголюще: Где есть рождейся Царь Иудейский? Видехом звезду Его на востоце и приидохом поклонитися Ему.

Слышав же Ирод царь смутися, и весь Иерусалим с ним.

И собрав вся первосвященники и книжники людския, вопрошаше от них: Где Христос раждается?

Они же рекоша ему: В Вифлееме Иудейстем, тако писано есть Пророком: И ты, Вифлееме, земле Иудова, ни чим же менши еси во владыках Иудовых, из тебе изыдет Вождь, иже упасет люди Моя Израиля.

Тогда Ирод тай призва волхвы, и испытоваше от них время явльшияся звезды, и послав их в Вифлеем, рече: Шедше испытайте известно о отрочати, егда же обрящете, возвестите ми, яко да и аз шед поклонюся Ему. Они же послушавше царя, идоша. И звезда, юже (которую) видеша на востоце, идяше пред ними, дондеже пришедши ста верху, идеже Отроча.

Видевше же звезду, возрадовашася радостию велиею, и пришедше в храмину, видеша Отроча с Мариею материю Его, и падше поклонишася Ему, и отверзше сокровища своя, принесоша ему дары: злато и ливан и смирну. И весть приемше во сне не возвратитися ко Ироду, иным путем отидоша во страну свою. Отшедшим же им, Ангел Господень во сне явися Иосифу, глаголя: Востав поими Отроча и матерь Его, и бежи во Египет, и буди тамо, дондеже реку ти, хощет Ирод искати отрочате, да погубит Е.

Он же востав, поят Отроча и Матерь Его нощию, и отиде во Египет, и тамо до умертвия Иродова, да сбудется реченное от Господа Пророком, глаголющим: От Египта воззвах Сына Моего. Тогда Ирод видев, яко поруган бысть от волхвов, разгневася и послав убить вся дети в Вифлееме и во всех пределех его, от двою лету и нижайше, по времени, еже известно испыта от волхвов.

Тогда сбыстся реченное Иеремием Пророком, глаголющим:

Глас в раме слышан бысть, плачь и рыдание и вопль мног, Рахиль плачущися чад своих, и не хотяше утешитися. Умершу же Ироду, Ангел Господень во сне явися Иосифу во Египте, глаголя: Востав поими отроча и матерь Его и иди в землю Израилеву, изомроша ищущии Души Отрочате. Он же востав, поят Отроча и Матерь Его и прииде в землю Израилеву. Слышав же, яко Архелай царствует во Иудеи вместо Ирода отца своего, убояся тамо ити, Весть же приемь во сне, отиде в пределы Галилейския. И пришед вселися во граде нарицаемем Назарет, яко да сбудется реченное Пророки, яко Назорей наречется. И яко скончашася вся по закону Господню, возвратишася в Галилею, во град свой Назарет. Отроча же растяше и крепляшеся Духом, исполняяся премудрости, и благодать Божия на Нем. И хождаста родителя Его на всяко лето во Иерусалим в праздник Пасхи. И егда бысть двоюнадесяти лету, восходящим им во Иерусалим по обычаю праздника, и скончавшим дни, и возвращающимся им, оста отрок Иисус во Иерусалиме, и не разуме Иосиф и мати Его, мневша же Его в дружине, преидоста дне путь, и искаста Его во сродницех и в знаемых, и не обретша Его, возвратистася во Иерусалим, взыскающа Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их, ужасахуся же вси послушающии Его о разуме и о ответех Его. И видевша Его, дивистася, и к Нему мати Его рече: Чадо, что сотвори нама тако? Отец твой и аз боляща искахома Тебе. И рече к нима: Что яко искаста Мене? Не веста ли, яко в Тех, яже Отца Моего, достоит быти Ми? И та не разуместа глагола, его же Глагола има. И сниде с нима, и прииде в Назарет, и повинуяся има. И мати Его соблюдаше вся глаголы в сердцы своем. И Иисус преспеваше премудростию и возрастом и благодатию у Бога и человек.