Читать книгу Молитвы за детей - Сборник - Страница 19

Весь мир христиа́нский блажи́т вас по достоя́нию, святи́и и пра́веднии Богоотцы́ Иоаки́ме и А́нно, и моли́твенно ва́ша честна́я имена́ прославля́ет, Це́рковь же Христо́ва све́тло па́мять ва́шу пра́зднует и пе́сни хвале́бныя вам прино́сит си́це:

Ра́дуйтеся, свети́льницы, мрак душ на́ших благода́тно озаря́ющии;

Ра́дуйтеся, от го́рних высо́т сла́вы ва́шея к земноро́дным ми́лостиво проница́ющии.

Ра́дуйтеся, Богоро́дице Мари́и сомоли́твенницы всегда́шнии;

Ра́дуйтеся, Христа́ Бо́га умилостиви́телие многомо́щнии.

Ра́дуйтеся, любо́вь и ве́ру к вам иму́щих от вся́ких бед спаса́ющии;

Ра́дуйтеся, моли́твенно на по́мощь вас призыва́ющих от напра́сныя и на́глыя сме́рти избавля́ющии.

Ра́дуйтеся, святи́и и пра́веднии Богоотцы́ Иоаки́ме и А́нно.