Читать книгу Mielo kaj Pipro. Miniaturoj - Валентин Рузанов - Страница 5
Ĉirkaŭ la mondo
ОглавлениеHodiaŭ mi iris al la ĉefa poŝtejo por sendi librojn al mia amiko en Honkongo. Ĉe la poŝtejo, mi turnis min al unu el la fenestroj malantaŭ kiuj sidis knabino ĉirkaŭ dudekjara.
– Kien vi sendas?
– Al Honkongo.
– Kial ne ekzistas indekso?
– Neniu indekso.
– Kiel?
Ŝia kolego de la sekva fenestro maldekstre, ĉirkaŭ kvardekjara virino, probable aŭdinta nian dialogon, demandis ŝin:
– Internacia?
– Jes.
– Tiam eblas sen indekso.
– Kaj kiel sendi ĝin, per aero aŭ per tero?
– Kiel li volas.
La knabino alklakis la klavaron:
– Neniu Honkongo!
– Kiel ne?!
– Atendu momenton, mi ekscios.
La knabino iris al la fenestro dekstre malantaŭ kiu sidis ankaŭ ĉirkaŭ dudek knabino:
– Rigardu Honkongon.
– Atendu minuton…
– Ankaŭ vi ne havas ĝin!
La knabinoj konfuzite demandis min:
– Kaj kio estas Honkongo?
– Honkongo estas eksa brita kolonio, en 1996 ĝi iris al Ĉinio.
– Atendu momenton… Ne, ankaŭ ne en Ĉinio… mi demandos la estron.
La estro, ĉirkaŭ kvindekjara virino, ĵetante rigardon al mian pakaĵon, montris sian fingron al la ekrano:
– Ĉi tio estas Honkongo.
Poste ŝi prenis plumon kaj skribis «Honkongo» sur la pakaĵeto, forstrekante la vortojn «Kong Kong», kiujn mi skribis haste.
