Читать книгу The Oxford Book of Latin Verse - Various Authors - Страница 30

Table of Contents

QVID petam praesidi aut exequar, quoue nunc

auxilio exili aut fugae freta sim?

arce et urbe orba sum: quo accedam, quo applicem,

cui nec arae patriae domi stant, fractae et disiectae iacent,

fana flamma deflagrata, tosti alti stant parietes

deformati atque abiete crispa ...

o pater, o patria: o Priami domus,

saeptum altisono cardine templum,

uidi ego te adstantem ope barbarica

tectis caelatis laqueatis

auro ebore instructam regifice ...

haec omnia uidi inflammari,

Priamo ui uitam euitari,

Iouis aram sanguine turpari.