Читать книгу The Oxford Book of Latin Verse - Various Authors - Страница 41

Оглавление

220-130 B.C.

FORTVNAM insanam esse et caecam et brutam perhibent philosophi,

saxoque instare in globoso praedicant uolubili:

id quo saxum impulerit fors, eo cadere Fortunam autumant.

insanam autem esse aiunt, quia atrox incerta instabilis siet:

caecam ob eam rem esse iterant, quia nil cernat quo sese adplicet:

brutam, quia dignum atque indignum nequeat internoscere.

sunt autem alii philosophi, qui contra Fortuna negant

ullam miseriam esse, temeritatem esse omnia autumant.

id magis ueri simile esse usus reapse experiundo edocet:

uelut Orestes modo fuit rex, factust mendicus modo.