Читать книгу Come Hither: A Collection of Rhymes and Poems for the Young of All Ages - Various - Страница 48

"Whar hae ye been a' day, my boy Tammy?

Whar hae ye been a' day, my boy Tammy?"

"I've been by burn and flow'ry brae,

Meadow green and mountain grey,

Courtin' o' this young thing just come frae her Mammy."

"And whar gat ye that young thing, my boy Tammy?"

"I gat her down in yonder howe,[38]

Smiling on a broomy knowe,[39]

Herding ae wee Lamb and Ewe for her poor Mammy."

"What said ye to the bonny bairn, my boy Tammy?"

"I hae a house, it cost me dear,

I've walth o' plenishen and gear,[40]

Yese get it a', war't ten times mair, gin[41] ye will leave your Mammy.

"The smile gaed aff her bonny face—'I mauna leave my Mammy!

She's gi'en me meat, she's gi'en me claes,[42]

She's been my comfort a' my days,

My Father's death brought mony waes—I canna leave my Mammy.'"

"We'll tak her hame and mak her fain, my ain kind-hearted Lammy,

We'll gie her meat, we'll gi'e her claes,

We'll be her comfort a' her days:"

The wee thing gi'es her hand, and says, "There, gang and ask my Mammy."

"Has she been to kirk wi' thee, my boy Tammy?"

"She has been to kirk wi' me,

And the tear was in her ee,

But Oh! she's but a young thing just come frae her Mammy."

Hector Macneill

41