Читать книгу Дуней хьэху. Усэбэ - Brat Murat - Страница 15

Сыту 1эф1 мы дунейр, си къуэшыжь!

Шыжьыр жьыгъэм игъэшми,

Шыбзым нэф1к1э хуоплъэк1.

Ныбжьыр йок1,

Ауэ псэм и щ1алэгъуэр имык1.

Къик1э фадэр, ныбжьэгъу!

Сыту 1эф1 мы дунейр, си къуэшыжь!

Къэдгъэгъэ1у уэрэджьу,

Жьы жъгъырур ирежьу,

Нэхур щыху,

Гуауэ гуащ1эр гъущ1ыху!

Къик1э фадэр, ныбжъэгъу!

Сыту 1эф1 мы дунейр, си къуэшыжь!

Бжьэм къигъахъуэ фадэжь.

Гъуар ф1эк1а мыгъэгъэж,

Л1ар мыгъыж,

Гъын зыух – мэгуф1эж.

Къик1э фадэр, ныбжъэгъу!

Сыту 1эф1 мы дунейр, си къуэшыжь!

Дыгъэр ди псэу къытхуопс,

Псынэм ди 1ур елъэс.

Хъуар блэк1ащ,

Къытпэщылъыр къэк1уэнщ,

Къик1э фадэр, ныбжьэгъу.