Читать книгу Дуней хьэху. Усэбэ - Brat Murat - Страница 18

1

Щ1эдэ1ук1ыт:

Я1урылъщ адыгэбзэр жыг тхьэмпэхэм,

Мэуэршэр адыгэбзэк1э псынэхэр,

Мэбзэрабзэ гъэгъар адыгэбзэк1э,

Адыгэбзэк1э бзухэм уэрэдыр къыращ…

Я1урылъщ адыгэбзэр уэшх тк1уэпсхэм,

Мэуэршэр адыгэбзэк1э вагъуэхэр,

Псыкъелъэр къоп1энк1 адыгэбзэк1э,

Адыгэбзэк1э жьыбгъэм макъамэр къырещ…

Ахэр бзагуэ фымыщ1.

2

Щ1эдэ1ук1ыт:

Адыгэбзэк1э шыблэр къогъуагъуэри уэгум

Адыгэбзэр ягъаджэ къуршыжьхэм зэщыджу —

Хэку ибэр лъэпкъ ибэм зэщыджэурэ йоджэ,

Унагъуэ хъужыну и бынхэр хуреджэ!