Читать книгу Errol Tobias: Suiwer Goud - Errol Tobias - Страница 5

Voorwoord

– ROB LOUW, oud-Springbok en voormalige span- en kamermaat

“BOESMAN!”

“JA, BOERTJIE!”

Dis hoe ek en Errol jare al met mekaar praat – van die dag wat ek hom ontmoet het, regdeur die rugbytoere wat ons saam meegemaak het, tot vandag toe. Hy was ons eerste swart Springbok, ’n ongelooflike rugbyspeler wat grense oorgesteek en afgebreek het. Tog het niemand van ons destyds geweet wat régtig in sy agterkop aangaan of onder watter ongelooflike druk hy verkeer nie.

Ek het oneindige respek vir Errol se toewyding, karakter en sy lojaliteit aan Suid-Afrika, sy gemeenskap en sy familie. Ek hoop hy praat in hierdie outobiografie reguit oor sy moeilike tyd as Springbok, maar ook oor die lekker tye wat ons in 1981 as kamermaats op die omstrede toer na Nieu-Seeland gehad het.

Errol, eendag sal jy die applous kry wat jy verdien vir jou vasberadenheid en dapperheid om grense af te breek en oor te steek.