Читать книгу Piekfyn Afrikaans Graad 6 Leesboek vir Huistaal - Fanie Viljoen - Страница 6

’n Volksverhaal

Maak voorspellings

Voordat ons die verhaal lees, moet julle jul mening oor ’n paar sake gee. Bespreek dit in groepe.

•In die onderstaande tabel is daar vyf stellings gelys. Besluit of julle daarmee saamstem of nie en omkring jul keuse in die linkerkantste kolom.

•Nadat die stellings in die klas bespreek is, gaan julle die verhaal lees.

•Wanneer julle die verhaal klaar gelees het, moet julle teruggaan na die tabel en besluit of julle, met die nuwe inligting wat jul het, nog saamstem met jul keuse by elke stelling. Merk jul nuwe keuse in die regterkantste kolom.

Voordat jy begin lees	Stelling	Nadat jy gelees het
Stem saam/Stem nie saam nie	Die keiser is altyd die slimste.	Stem saam/Stem nie saam nie
Stem saam/Stem nie saam nie	’n Grapmaker kan ook ’n goeie keiser wees.	Stem saam/Stem nie saam nie
Stem saam/Stem nie saam nie	Net slim mense kan raaisels ontsyfer.	Stem saam/Stem nie saam nie
Stem saam/Stem nie saam nie	Net selfversekerde mense behaal sukses in die lewe.	Stem saam/Stem nie saam nie
Stem saam/Stem nie saam nie	’n Mens leer baie deur na ander mense te luister.	Stem saam/Stem nie saam nie

Vluglees in groepe

Vluglees die verhaal in groepe sodat julle ’n idee kry waaroor dit handel.

•Lees die eerste paragraaf. Waaroor is almal opgewonde?

•Wie is die hoofkarakter in hierdie verhaal?

•Waar speel die verhaal af?

•Wat moes die hoofkarakter doen?

•Watter beloning sou die persoon kry as al drie vrae korrek beantwoord word?

•Lees nou die laaste paragraaf. Waarom het die mense begin huil nadat hulle hande geklap het?

Nou het ons ’n goeie idee waaroor hierdie volksverhaal gaan. Kom ons lees die verhaal aandagtig saam deur …