Читать книгу A Hetz und a Gaudi - Felix Dvorak - Страница 15

A Taxler, der tuat für das Fahrn von an Herrn

von der Stadt bis nach Hietzing vierzg Euro begehrn.

Der Herr sagt: »Ich zahl Ihnen zwanzig nur bloß.«

Da geht über Hietzing a Unwetter los,

denn der Taxler, der tuat sagn:

»Schau dass d’ weiterkommst von mein Wagn.

Du gspritzter Einedrahrer,

bist a Owezahrer.

Tua nur gschwind abpaschn,

sunstn krieagst a Flaschn.

So a stierer Beidl,

wecher Taschenfeidl,

dir ghört der Pudel endlich amoi gschert.

Ja, glaubst, du bist a Kaiser,

hau di über d’ Häuser,

geh tua lieaber hatschn,

sonst krieagst deine Watschn.

I könnt den falschen Preißen

in der Luft zerreißen,

dass er alle Engeln singen hört.«

A sehr noble Dame kauft am Naschmarkt ein,

doch tut ihr alls schäbig und zu teuer sein.

Um an Euro handelt s’ a halbe Stund um.

Am End kauft sie nix,

da is’ der Standlerin z’dumm,

drum fangt de Standlerin an,

zum schimpfen, was s’ nur kann:

»Kauf dir a Hendlfuada,

so a deppats Luada,

so a nodigs Tramperl

frühers Gürtelschlamperl,

stinketer Ausreibfetzn,

willst ma d’ War abschätzen,

des hab i net nodig,

na, Gottlob.

I könnt den Häuslratzn

ane einipatzn

und mit mein Pratzen

ihr de Pappn z’kratzen.

So a bledes Grammel

schiacha Nasenrammel.

Schau dass d’ weiderkommst,

sunst werd i grob.«

Sein’ Garten bewässert Herr Novak voll Freud’

und spritzt durchn Zaun einem Fräulein aufs Kleid.

Die keift gleich: »Sie Trottel, was gebn Sie nicht acht!«

Bevor der Herr Novak den Mund aufgemacht,

schreit sie noch voller Zurn:

»Reiß auf deine Glurn.

Wann dein Heahnaaugn

nur zum Scheangln taugn,

kennt i da ane drucken,

dir a Glasaug spucken.

Herst, du bleder Wedl

mit dein Eierschädl,

richtig wassern kannst eh nimmermehr.

Schleich di in dei Kaluppn,

schwimm auf da Nudelsuppn,

putz di, du Krepierl,

laares Hosentürl,

Gscherter Gartenpritschler

hast mir scheint an Tritschler,

geh verlier di, sonst werd i ordinär!«

(Musik von Rudolf Hauptmann, †1931)