Читать книгу Komm, lach halt wieder - Helmut Zöpfl - Страница 6

Gehts aa wieder

mal drunter und drüber,

gibts rund um di uma

aa Ärger und Kummer,

denk dran, dass ’às Leben

als Geschenk dir is gebn,

des Freud solltat bringa,

dass deswegn zum Stinka

und Ärgern grad gwiss

de Zeit viel z’ schad ist.

Bloß net – dua aufpassn! –

aus der Ruah bringa lassn.

Komm, schau net so z’wider

und lach bitt schön wieder!

Und werst scho sehn nacha,

du steckst mit deim Lacha,

mit deiner Freud na so

de andern Leut aa o.