Читать книгу Komm, lach halt wieder - Helmut Zöpfl - Страница 7

Liaber Gold in der Kehle

wia Suiber im Blick.

Liaber in der Fruah nix doa,

wia am Nachmittag arbatn.

Liaber gsund und reich

wia krank und arm.

Liaber an Sechser im Lotto

wiaran Achter im Radl.

Liaber a Maß Wiesnbier

wiara Wanne Eickel.

Ganz logisch, moants ihr? – Sonnenklar.

Des stimmt, und doch is’ sonderbar,

dass, wenns aa wissn alle Leut:

schöner wias Ärgern is de Freud,

trotzdem oa bloß verbringa stur

vui mehra Zeit mitm Ärger nur.

Wenn i da dro denk allerwei,

kaant i mi ärgern glei.