Читать книгу Meditasies - Joan Hambidge - Страница 13

7 Stad van Engele

In hierdie stad verskyn hulle aan my,

die engele afgestaan aan die dood.

Die een se gesig staan op ’n uithangbord,

die ander een afgeflets op ’n winkelvenster.

Maar dis jy, vader, wat my wakkermaak

op ’n Sondagoggend so teen kerktoegaantyd.

Ek hoor jou woordeloos roep na my

in die Stad van Engele én Illusies.

Terwyl ek hierdie vers skryf, hoop ek dat jy

weer aan my sal raak, voor toemaaktyd.