Читать книгу АСАРЛАР (II жилд) - - Страница 102

Ҳар қайси хоиннинг қиёмат куни

Қилган хиёнати миқдори қадар,

Ҳамма кўрсин учун икки қўлида

Кўтариб юргувчи байроғи бўлар.

Яхши пешволар ҳам Ҳақ таолонинг

Ердаги халқларга иноятидир.

Энг катта хиёнат бу – амирларнинг

Ўз халқига қилган хиёнатидир.

Огоҳ бўлингизким, ҳақ гапни билган

Кишилар қалбининг чўғи сўнмасин.

Ва улар ҳақ гапни айтмоғи учун

Одамлар ҳайбати тўсқин бўлмасин.

Яна билингизким, Оллоҳ йўлида

Қилинган жамийки жиҳодлар создир.

Лекин афзал жиҳод – золим подшоҳлар

Олдида айтилган битта ҳақ сўздир.

Ҳеч кимнинг хасмимас ҳеч кимнинг умри,

Умр гоҳ осмон, гоҳ жарнинг лабидир.

Унинг қолган қисми шу кунингизнинг

Қолган ул иккинчи қисми кабидир.