Читать книгу АСАРЛАР (II жилд) - - Страница 110

Барча бандалардай амалдорлар ҳам

Не қилган бўлсалар шуни топгайлар.

Алар ўз қўллари бўйинларига

Боғлиқ бўлган ҳолда ердан қўпгайлар.

Одил ўтганларни адолатлари

Келиб қўлларини ечгайдир у дам.

Зулм қилганларни ўз зулми келиб

Қўлларин қайтадан боғлагай маҳкам.

Уч даври бор эрур амалдорликнинг,

Уч қийноқ деса ҳам бўлар, яъники,

Аввали маломат, кейин – надомат,

Охири – қиёмат шармандалиги.