Читать книгу Gecə xəyalları - Rəfail Tağızadə - Страница 7

Günlərim qar tək əriyir,

illərim özündən gedir,

ümidim tək işığaydı

o da ki gözümdən gedir.

Özümmü sevim özümü

həsrət məni yoranacan,

zalım fələk, dəymə mənə

qoy yaşayım doyanacan.

Məni görüb hara qaçdın-

qorxma məndən, qorxma, adam,

neyləyim, sizlik olmadım

bu dünyaya tamam yadam.

Daş atmadım özgəsinə,

kor şeytanla ilişkim yox,

Yaradan qoruyar məni

bu yer ilə bir işim yox.