Читать книгу The Works of William Cowper - William Cowper - Страница 259

Hei mihi! Lege ratâ sol occidit atque resurgit,

Lunaque mutatæ reparat dispendia formæ,

Astraque, purpurei telis extincta diei,

Rursus nocte vigent. Humiles telluris alumni,

Graminis herba virens, et florum picta propago,

Quos crudelis hyems lethali tabe peredit,

Cum zephyri vox blanda vocat, rediitque sereni

Temperies anni, fœcundo è cespite surgunt.

Nos domini rerum, nos, magna et pulchra minati,

Cum breve ver vitæ robustaque transiit ætas,

Deficimus; nec nos ordo revolubilis auras

Reddit in ætherias, tumuli neque claustra resolvit.