Читать книгу Kristalvlakte - Amy Jephta - Страница 5

Priscilla Vroeë 50’s. Hardkoppig, broos. Haar moederlike kwali­teite is verduister deur haar genadelose ambisie. Stewig, gewortel. Alhoewel sy vroeër mooi was, het die lewe intussen sy tol geëis – maar sy het tog ’n seksuele krag aan haar.

Ephraim 25. Priscilla se oudste seun. Heethoofdig, maar eintlik nog ’n tiener. Hy is nie dapper nie, net impulsief. Sterk gebou, fris – hy moet ’n karretjie op sy eie kan trek.

Trien 20. Priscilla se dogter. Stom en slim. Mooi. Lig op haar voete. Stralend. Sy word frustreer deur haar begeertes, maar bowenal is sy ’n goeie mens. Sy kommunikeer in haar eie, unieke gebaretaal wat net Priscilla heeltemal verstaan.

Kaaskop 22. Priscilla se jongste seun. Ly ’n bietjie aan middelkindsindroom. Sal homself nie kan beskerm in ’n geveg nie. Hy is klein en neem min plek op in die wêreld. Lojaal en eerlik.

Miela 35. Rof, bietjie kras. Sy is romanties, alhoewel sy nie daar­in dwaal nie. Haar vuur sit in die manier waarop sy haar liggaam besit. Sy gebruik dit doelbewus. Die moederlikheid wat Priscilla nie het nie, sit diep in haar gebêre.

Kroegman Laat 40’s. ’n Verlepte casanova. Rou en ironies. Was in vroeër jare die Vlakte se Romeo. Droom nou en dan nog steeds, maar hy het meestal vrede gemaak met sy lot. ’n Boepens wat hy probeer vermom, vet en gemaklik. Daar is ’n nostalgiese kwali­teit aan hom.

Dominee Vroeë 50’s. ’n Outydse pastoor. Konserwatief, sedig. Sy toewyding tot sy roeping wys in sy liggaam: hangskouers, oë omlaag. Die mees interessante ding aan hom is sy stem. Dis sy instrument, en hy speel hom vlot.

Doela Vroeë 30’s. ’n Gangster. Amateurfilosoof. Kop effens in die wolke, maar voete ferm op die grond. Hy’s nie sentimenteel nie. Hy’s amper heeltemal sening, donker in die oog en flink met die brein.

Atcha Vroeë 30’s. Ook ’n gangster. Prakties, voete op die aarde, gemaak van stof en bloed. Maer en taai. Volg goed leiding, maar hy’s nie ’n skaap nie.

Die Generaal 30’s. Dominerend, selfversekerd en met ’n natuur­like magsgevoel aan hom. Hy hoef nie sy stem te verhef om gehoor te word nie.

Jong man 20’s. Heethoofdig en histeries, naïef.

Kappie Tiener. Skollie, sakkeroller, glad nie ’n bedreiging nie.

Vet luitenant 30’s. Korrup, met ’n dikgestopte pens. Sy geld­gierigheid is amper potsierlik.

Bambi1 30’s. Verontwaardig en nie op haar bek geval nie.

Vrou 40’s. Sagmoedig. Eerbiedig. Godsdienstig.

Man 40’s. Bang en gehoorsaam.