Читать книгу Waar onthou begin - Connie Luyt - Страница 5

Waarheen gaan ’n gedagte wanneer dit vergete is? – SIGMUND FREUD

WAARUIT BESTAAN GEDAGTES?

Woorde. Altyd woorde.

Idees. Veronderstellings? Aangeleerde reaksies. Nuwe uitvindings. Verwikkelde formules. Argumente.

Maar altyd onderliggend is geheue. Van die vroegste weet van arms wat jou vashou deur al die fases en komplikasies van die lewe self.

Geheue.

Daarsonder is ons verlore.

Dit is wat ek hier wil ondersoek in hierdie verhaal van my lewe.

Hoe verander dit ’n mens as jy nie kan onthou wie jy is nie? En hoe belangrik word dit om herinneringe te kan vasvat? En wat word van ’n mens, hoe ontvou jou lewe as jy eers een keer als vergeet het?

Hier volg my storie.

Ek moet dit opskryf sodat dit nie verlore sal gaan nie, soos wat ek vir ’n lang tyd verlore was.

En dit is dan waar ek begin.