Читать книгу Ultrasatyn 2 in 1 - Elsa Winckler - Страница 7

Hulle ry ’n rukkie in stilte, maar haar gedagtes is allesbehalwe kalm. Vroeër vandag sou sy nooit die uiteinde van haar besoek aan hom kon droom nie. Nou ry sy saam met hom na sy huis om ’n glasie wyn te gaan drink. Miskien is Karla reg, die geluksgodin is aan haar kant – of dalk is sy en Lukas een van daardie dinge wat bedoel is om te gebeur. Hoe sal sy nou weet? Al waarvan sy seker is, is dat sy nie “nee dankie” gaan sê nie. Sy gaan die geleentheid om hom beter te leer ken met albei hande aangryp.

“Hoekom gaan jy juis môre terug Johannesburg toe? Dis nog nie die einde van die semester nie. Die eksamen begin eers volgende week.”

Hy draai by ’n sekuriteitskompleks met ’n hoë muur rondom in. “Ons het ’n familiemaatskappy. Tot dusver was ek net langs die kantlyn betrokke, maar die waarnemende CEO het ’n hartaanval gehad oor die naweek en dis tyd dat ek die leisels neem. My pa het die maatskappy bestuur en my oupa voor hom. Tot onlangs het ek gevoel ek is nog nie gereed daarvoor nie en het ons ’n tydelike waarnemende hoof aangestel.”

“Hoekom het jy gevoel jy is nog nie gereed daarvoor nie?” Sy draai geïnteresseerd na hom.

Hy haal sy skouers op. “As ek eers die leisels geneem het, gaan ek dit nie weer kan neerlê nie. Nie tot ek dit die dag aan die volgende Strauss oorgee nie. Daar was nog te veel wat ek wou gedoen het en ek wou nie so gebind wees nie. Natuurlik was my oupa ongelukkig oor die besluit, maar ek het die tyd goed gebruik. Mettertyd kon hy darem insien dat dit ’n goeie besluit was.”

Die oprit waar hy stilhou, is nie ver van die ingang nie. Die eenheid is stylvol en die klein tuintjie voor die huis word duidelik met ’n ferm hand in stand gehou. Dis nogal die tipe plek wat sy met hom sou assosieer.

“Vanaand is die laaste aand wat ek hier slaap. Die huis is feitlik leeg, ek hoop nie jy gee om nie.”

Sy skud haar kop. “Ek is ’n student. Ek’s alles gewoond.”

Hy glimlag vir haar en sy raak opnuut verlore. Sy sal ’n ewigheid so na hom kan kyk. Nooit sal sy moeg word vir sy gesig nie. En nog minder vir sy lyf. Die gedagte laat haar liggies bloos en sy begin aan die deur vroetel. Dis nog gesluit en na ’n paar probeerslae gee sy moed op. Sy oë is steeds op haar toe sy vraend na hom kyk. Sy glimlag verbreed. Haar lyf reageer onmiddellik op sy tergende mond en word week onder die intensiteit in sy oë. ’n Stadige, ritmiese geklop diep in haar vrouwees herinner haar dat sy hom lankal reeds as die een vir haar geëien het.

“Kom, Leila. Ek gaan skink vir ons wyn,” verbreek hy die gelade oomblik tussen hulle.

Behalwe vir twee stoele is die woonvertrek leeg. Daar is nog ’n paar basiese benodigdhede in die kombuis. Die res is alles in twee bokse wat by die ingang ingepak staan. Terwyl hy die glase uit die kas haal en die wyn skink, dwaal sy deur die leë vertrekke. In die een slaapkamer is daar net ’n netjies opgemaakte bed, die ander is leeg.

“Dít en die twee stoele behoort aan my suster.” Sy skrik toe hy onverwags agter haar praat. Hy staan so naby haar, sy kan die hitte van sy lyf teen haar rug voel. “Hulle was gaaf genoeg om dit vir my te leen terwyl ek hierdie plek gehuur het. Omdat ek my nie permanent hier sou vestig nie, het ek nie veel meubels aangeskaf nie. Eintlik was die pos by die universiteit soos ’n sabbatsjaar vir my, ’n welkome wegbreek van die gejaagdheid waaraan ek so gewoond was.”

Sy vat die glas by hom en hulle gaan sit teenoor mekaar op die stoele in die woonvertrek. Hy teug behaaglik aan sy wyn en leun agteroor teen die rugleuning. “Jou studentenommer wys jy is drie jaar ouer as die gemiddelde studente van jou jaargroep. Het jy ook eers ’n Sabbatsjaar of twee geneem voor jy begin studeer het?”

Verras kyk sy na hom. Hy het waarlik haar studentenommer opgelet. “Ja, ek het drie jaar na skool in Engeland gaan werk omdat ek nie seker was wat ek wou doen nie. Aanvanklik sou dit net ’n jaar gewees het, maar na ’n jaar het ek ’n beter pos gekry by die bank waar ek gewerk het en toe bly ek langer. Toe ek terugkom, het ek onderwys begin studeer, want ek hou van kinders. Maar ek het gou besef dis nie vir my bedoel nie. Die tyd in die Londense bank het my belangstelling in beleggings geprikkel en ek het van studierigting verander. Natuurlik tot my pa se ontsteltenis. Hy hou nie daarvan dat mens nie klaarmaak wat jy begin het nie.”

Hy lag en die timbre daarvan is diep. “Jy is dus ’n vrou met waagmoed. Nie baie studente sien kans om van studierigting te verander nie.”

Ja, ’n vrou is wat ek is, wil sy vir hom sê. Sien jy my raak?

Maar sy glimlag net vir hom en lig haar wenkbrou uitdagend terwyl die grys dieptes gefassineerd op haar bly. En skielik weet sy soos net ’n vrou soms weet: hierdie man kan sy oë nie van haar afhou nie. Sy het vanaand in haar doel geslaag. Sy het ’n indruk gemaak en nou het sy die hef in die hand. Die vraag is net wat sy bereid is om met haar nuutgevonde mag te doen?

Hy staan op en kom stadig tot voor haar. Onmiddellik begin vlinders in haar maag fladder. “Nog wyn vir jou?” Teleurstelling dwing die vlinders terug in hulle plek en sy skud haar kop.

“Nee dankie, een glas was genoeg vir my. Ek het vanoggend laas geëet. As jy wil hê ek moet op my kop staan vanaand, moet ek nog ’n glas drink.”

“Dit behoort vermaaklik te wees. Ek sal betaal om dit te sien.”

Die tergende toon in sy stem lok haar om te flankeer. “En hoe het jy gedink om te betaal?”

Hy lag sag, vat die leë glas uit haar hand en sit dit op die kombuistoonbank neer. “Hoe wil jy hê moet ek betaal?” Hy kom staan weer voor haar.

Hulle albei weet waartoe hierdie gesprek lei en hulle albei het die geleentheid om die gang daarvan te stuit.

Net ’n kort oomblik lank wonder sy of sy ’n groter hap afbyt as wat sy kan hanteer. Maar dan haal sy haar skouers op. Wegskram gaan sy beslis nie. Sy hou van die rigting wat die gesprek ingeslaan het. Hoe lank droom sy nie al oor hierdie oomblik nie?

“Die aanbod is joune om te maak. Dis jy wat akrobatiese toertjies wil sien.”

“Mmm.” Sy oë smeul toe sy blik oor haar gly. Dit streel oor haar mond, haar kuiltjie, die rondings van haar borste en dan weer terug na haar gesig. Die vlinders in haar maag begin met toertjies van hulle eie. Opwinding stroom soos ’n elektriese golf deur haar en maak haar oorbewus van die polsende afwagting in haar lyf.

Sy maak haar lippe in uitnodiging effens oop.

En toe, sonder waarskuwing, trek hy haar op en teen hom vas. Haar hart tamboer in haar ore. Haar lyf smelt teen syne vas asof dit daar hoort. Sy hande streel oor haar rug tot hulle om die rondings van haar sitvlak vou. Hy hou haar blik in syne gevange. Asof hy dit geniet om die hunkering in haar oë te sien.

Toe sy mond oor hare sluit, is dit asof elke moontlike stukkie selfbeheersing in haar losskeur. Dit is die oomblik waarna haar liggaam maande lank al smag. ’n Vulkaan in haar onderlyf roer en stu hitte deur haar are en oor die kontoere van haar lyf. Die eerste aanraking van sy lippe is sag, so byna asof hy van haar oorgawe wil seker maak.

Dan dring sy tong dieper in haar mond, neem dit besit van hare met ’n passie wat sy nog nooit ervaar het nie. Die rooiwyn lê ryk in sy mond en sy is intens bewus van sy nabyheid. Sy een hand gly hoër op teen haar rug, druk haar stywer teen hom vas. Die hand om haar sitvlak kruip dieper onder die ronding in.

Sy kreun van genoegdoening teen sy lippe.

Die hardheid van sy manlikheid vang haar onkant, laat die wêreld om haar tol. Haar hande vind ’n pad oor sy bors en onder sy hemp in. Toe haar vingers oor sy maag streel, rimpel die spiere onder haar aanraking. Sy veroorloof haar die plesier om haar hand laer te laat sak. Haar vingers beur liggies tussen sy belt en vel. Die materiaal van die broek is ’n hindernis waarvan sy ongeduldig probeer ontslae raak.

Sy rem aan sy belt en hy lag sag teen haar lippe.

Hy onderbreek die soen nie toe hy die belt losmaak en met een beweging uit sy broek trek nie. Voor dit by hulle voete val, het haar vingers die pad gevind na die kroon van sy manlikheid.

Haar asem stoot hortend oor haar lippe toe sy die hardheid onder haar vingers voel. Sy lig haar oë na syne toe haar hand om die sagte weerloosheid daaronder skulp.

Haar drome was totaal ontoereikend.

Die begeerte in sy oë gee haar selfvertroue wat sy nie geweet het sy besit nie. Sy streel sag oor die harde spier terwyl sy haar oë uitdagend op hom hou.

Dis asof haar aanraking ’n skielike dringendheid in hom wakker maak. Hy stroop die toppie van haar lyf, gooi dit sonder ontsag eenkant toe. Sy blik hou hare gevange terwyl hy oor haar maag en borste streel.

Toe hy die knippie van haar bra losmaak en dit onseremonieel na haar voete tuimel, verbreek hy die eerste keer oogkontak. Haar lyf voel swaarder en haar borste spits onder sy aandag. Sy wil nader aan hom leun, maar met sy hande om haar heupe hou hy haar terug. Verlustig hy hom in die skoonheid van haar liggaam voor hy haar byna ru nader aan hom trek.

Hy lig haar op en haar bene vou om sy middellyf. Toe sy lippe om een rosige tepel sluit voel dit asof hy brand in haar bors stig. Hy soen haar tepel met hartstog wat haar asem wegslaan. Haar bloed suis in haar ore en sy gooi haar kop effens agteroor. Sy draai haar lyf sodat hy die ander tepel ook met gemak vind.

Die knoop van sy broek is reeds los en sy woel dit ongeduldig oor sy heupe. Dit gly af en sy is teleurgesteld toe hy haar moet neersit. Hy maak haar broek tydsaam los en sy moet die uiterste selfbeheersing gebruik om vir hom te wag. Haar lyf tintel toe sy uiteindelik naak voor hom staan.

Dit is asof sy voor hom is soos wat sy nog altyd bedoel was om te wees.

Die binnekant van haar dye is klam teen hom toe hy haar optel en sy haar bene om hom vou. Sy lippe gly oor haar keel en sy buig haar kop agteroor om hom toegang tot haar tepels te bied. Die growwigheid van sy baard skuur teen die vel tussen haar borste. Haar hande streel oor sy skouers en om sy nek.

Toe sluit sy mond met meer passie oor hare. Hulle stamp teen die gangmuur toe hy in die rigting van die slaapkamer loop. Die spanning in sy lyf laat sy spiere bult en sy vou haar bene stywer om hom. Hierdie keer is daar nie klere wat hulle lywe van mekaar skei nie. Sy druk teen hom en nog voor hulle by die kamer kan kom, is hy in haar in.

Verwonderd snak sy na asem toe haar vroulikheid ontvanklik om hom vou. Sy een hand gly laer en hy trek haar onderlyf stywer teen hom vas sodat hy haar dieper binnedring. Hy kreun en toe hulle oë ontmoet, weet sy wat sy aan hom doen. Hy is so betower soos sy.

Hy lê haar op die bed sonder om haar te verlaat. Sy lyf kom swaar op haar neer en haar borste druk warm teen sy borskas. Haar kop het skaars die kussings geraak toe hy weer en weer in haar inbeur. Die diepte waarmee hy haar binnedring, laat genot golf op golf deur haar spoel. Sy krom haar rug en lig haar onderlyf instinktief op. Dis asof elke golf hoër, intenser en met meer krag deur haar spoel.

Haar hande verken die spiere wat oor sy rug speel. Sy lippe sluit oor haar een tepel en sy hand oor die ander. Elke vesel in haar smag na sy aanraking. Haar lyf beaam die ritme van syne. Sy kreun onwillekeurig. Die golwe bou in haar op en bereik ’n drempel waar sy geen beheer het nie. Elke spier in haar lyf trek in afwagting saam terwyl sy op die rand van ’n ontploffing in haar vrouwees huiwer.

Sy mond sluit weer oor hare. Hy soen haar met roekelose hongerte toe sy selfs fermer om hom klem. Die tempo van sy bewegings neem toe en sy sper haar bene wyer. Wil hom dieper in haar inlok. Hy neem haar lyf na hoogtes wat sy nie gedink het moontlik is nie. En toe ontplof die damwal en spoel ekstase in golwe oor haar. Haar lyf ruk onder hom en haar vingers vreet in sy rug toe sy haar lyf stywer teen hom druk.

“Lukas.” Sy naam is ’n sagte uitroep onder haar asem.

Hy pen haar vas en dis asof sy naam op haar lippe hom met nuwe krag vorentoe laat stu. Haar oorgawe is so volkome. Sy hande gly teen die binnekant van haar bene af en hy druk hulle byna ongeduldig wyer uitmekaar. Sy laat hom begaan, dis nie nodig vir hom om te vra nie, sy sal alles gee wat hy wil hê. Weer sluit sy lippe oor hare en toe sy tong diep in hare indring, voel sy hoe sy klimaks deur sy spiere ruk. Sy lig haar onderlyf hoër, ontvang hom met al die liefde in haar en laat hom toe om sy passie in haar uit te woed tot hy uiteindelik natgesweet teen haar tot ruste kom.

Hy lê ’n oomblik so, vleg dan sy vingers deur hare en druk haar hande weerskante van haar kop vas terwyl hy orent kom, nog knus in haar.

Lank kyk hulle in mekaar se oë. Woordeloos, terwyl die een die ander se gedagtes probeer peil. Sy maak haar hande los en vou dit oor sy rug om hom teë te hou toe hy van haar wil afrol.

Hy lag sag en beweeg weer teen haar onderlyf sodat ’n sug oor haar lippe ontsnap.

“Geduld, mooiste meisie,” fluister hy langs haar oor. “Ek is nog lank nie klaar nie.”

Hy rol van haar af en trek haar teen hom vas. Sy lê gekoester in die hitte van sy lyf, haar vingers weer in syne vervleg.

Haar lyf pas perfek in die kromming van syne. Woordeloos luister sy na sy asemhaling bokant haar kop. Met genoegdoening nestel sy stywer teen hom. Dan kan drome waar word. Sy is nie skaam oor wat pas tussen hulle gebeur het nie. Sy hoort hier. Wat gebeur het, voel so reg.

Dis hoe dit moet wees.

Toe draai sy om in sy arms sodat sy na hom kan kyk. Sy slaan haar een been oor sy lyf. “En om te dink ek het vanmiddag gekom om besigheid te praat.”

Hy glimlag teen haar lippe. Trek ’n pad met sy vinger langs haar ruggraat af tot by haar stuitjie, en sy giggel.

“Ons sal nog besigheid praat, Leila Viviers. Later. Vertel my eerder iets omtrent jouself. Ek weet jy is byna sewe en twintig.” Hy piets haar speels op haar boud en dan gly sy hand om na haar binnebeen. “En dat jy werk in Johannesburg soek. Maar dis al. Tot dusver was jy net die begeerlike blouoog wat nooit onvoorbereid klas toe gekom het nie. ’n Paar keer het ek dit oorweeg om na klas met jou te gesels, meer oor jou uit te vind, maar ek het my telkens gekeer. Jy was immers ’n student in my klas en ek ’n dosent met morele verpligtinge.”

Verras kyk sy na hom. “Jy het my raakgesien?”

Hy vee oor haar wang, al teen haar keel af en dan volg sy vinger die pad oor haar sleutelbeen. “Watter man sien jou nié raak nie?” Hy lig sy hand en druk sy vingers deur haar hare. Trek haar kop effens agteroor sodat sy in sy oë kan kyk. Haar tone krul van behae toe sy besef wat hy beplan om te doen.

Hy buig sy kop en sy mond sluit oor haar steeds gevoelige tepel. Sag knibbel hy met sy tande aan die ferm knop, speel met sy tong daaroor terwyl hy haar tergend dophou. Toe sy dit nie meer kan hou nie, druk sy haar bors stywer teen hom en hy soen hard en diep sodat sy kreun. Toe laat hy haar weer gaan sodat hy hom op sy elmboog kan stut.

“Bly hier, ek gaan kry vir ons iets om te drink.” Hy druk hom weg van haar en sy bly teen die kussings lê. Haar lyf hunker opnuut na hom sodat sy op haar knieë voor hom kom.

Sy slaan haar arms om sy nek. “Ek is nie dors nie. Jy hoef niks te gaan haal nie.”

Hy lag af na haar. Sy vingers woel in die donker haartjies tussen haar bene en die oorweldigende erotiese klopping in haar neem toe. Maar hy trek net ’n pad van daar af met sy vinger oor haar naeltjie en tussen haar borste deur tot by haar ken. “Ek moet eers rus,” glimlag hy teen haar lippe. Hy druk haar terug teen die kussings. “Wag hier vir my.”

By die deur draai hy weer na haar en sy glimlag vir hom. “Jy het nog nie my vraag beantwoord nie. Dink eerder aan alles wat jy my wil vertel.”

Sy roer effens teen die kussings en klop met haar hand op die bed langs haar. “Jy het my nog nie kans gegee nie.” Maar hy lag net en verdwyn in die gang af.