Читать книгу Uss demm Levve - Erwin Rußkowski - Страница 8

(Ein Streitgespräch zwischen Mann und Frau) Text und Idee: Erwin Rußkowski

Szene:

Ein Mann kommt nach einer durchzechten Nacht reichlich spät nach Hause.

Seine Frau ist ziemlich sauer, und empfängt ihn in Kittelschürze, Kopftuch, Hauspantoffeln, dicken Socken. In der Hand hält sie einen Schrubber.

Besser wäre: Perücke mit Lockenwicklern, Bademantel und ein „Nudelholz“.

Frau (zum Publikum mit in die Hüften gesteckten Armen):

No stellen Se sich datt ens für!

Minge Mann, … watt der Schäng iss – datt „Liebelein“ – jeht im aach Uhr ussem Huus … für „e Bier ze dringke“ … wie hä säät.

(Sie schaut auf ihre Armbanduhr)

Unn jetzt sinn ett hallevve drei in d’r Naach … unn der Saukääl iss immer noch nit dôheem!!

Oh waat, Käälche!!! Wann do heem küss!!!

(Sie droht mit dem Nudelholz (Schrubber) und lauscht nach draußen.)

Aah, Moment ens: Ich jlööv, dô kütter.

(Kurz darauf kommt der Mann ziemlich angeheitert herein.)

Frau (sehr sauer):

Wô küss do dann jetz her!!

Mann (zeigt zur Tür und lallt):

… V … Vunn … d … dô!

Frau:

Ich jevven dir jlich „Vunn dô“!!

Do missrôdenne Kääl!

Do schäbbijje, mulijje Suffühl!!

Mann:

Aber mein … L … Liebchen, mein … H … Honichtäubchen, … m … mein … C … Cremeschnittchen …

Frau (außer sich vor Wut):

Ja vunn wäjjen „Liebchen“!! Datt Jeschleime kannste dir spare.

Do decke, bedressene Stinkbüggel!!

Luur dir doch ens ahn, wie do uss süüs … drissvoll biste!! Do erbärmliche Wäschlappe!!

Mann oh Mann!!! Hätt ich mir denn bloß nitt ahnlelaach … jranatevoll, … wie en janze Kompanie!!!!

Saach ens: … schamms do dich janitt??

Mann:

Wieso schamme??

(Er lacht)

… hä hä! …

… N …na unn. OK!!! … .Ich bin … v … voll ... n … na unn???

Frau:

Watt heeß he: „Na unn??“

Mann:

„N … na unn“ heeß ... n … na unn“

… P … pass op! … Ich erklär dir datt:

… Ich bin … v … voll … D … datt verjeht!!!! … D… do biss bl … blöd … Datt bliev!!!

(Er reckt den Daumen als „Siegeszeichen“ in die Höhe.)

Mann (zum Publikum):

Mann, Mann, Mann!!

… Watt iss datt en fimpschijje, … k … kratzbööschtijje … K … Kraat.

(Er wendet sich an seine Frau.)

Mann:

Jetz biss do ens still, … do … m … muzijje, jecke … K … Krabitz.

… L … Luur dich doch ens … a … ahn, wie do uss süüs. (Er holt tief Luft.)

… do schrumpelliije, jööezijje Möhn!!

Frau (außer sich vor Wut):

Watt sull ich sinn??!! … En schrumpellijje, jööezijje Möhn!!??

Unn datt sääs ussjerechnet do zo mir? … Do … do … Dööskopp … do Buure Frängel!! ... Do Föttchesföhler!!

Mann:

Watt bin ich?? Enne … F … Föttchesföhler?? Datt hättste wohl jään, wa??

Frau:

Jawoll!! Datt hätt ich ens jään vunn dir!!

Weeß do, wie ich mir bei dir vürkumme??

Mann:

Dô bin ich ävver ens jespannt. … V … verzäll!!

Frau:

Wie en jung Frau … … … bei ennem ahle Mann:

Am Daach, wie en Frau: putze, koche, Wäsch ophange …

… Unn des Naaachs … wie en Witwe!!!

Mann:

Woor datt jetzt Spass oder Ä … Ähnz?

Frau:

Datt woor mir verdammp Ähnz!

Mann:

Watt häss do e … Jlll … e Jlöck! … … Ich kann nämlich kinne Spass verdraare!

Frau:

Jung! Dich hättense och ett bess memm ierschte Badewasser ussjeschütt!

Mann:

Aber, … L … Liebelein! Do weeß doch: Unkrock verjeht nitt.

(Er nimmt sie in den Arm.)

Frau (sinnlich):

Dô maachste wohl Rääch hann.

Mann:

Mir zwei …

(Er drückt sie an sich.)

… mir sinn wie zwei … A … Aarschbacke

Frau:

Watt sinn mir??!!

Mann:

Mir sinn wie zwei Aarschbacke!

… Mir jonn wäjjen jedem Driss ussenander … unn jonn jlich dropp widder zesamme!!

Beide (Arm in Arm):

Pack schläät sich … Pack verdräät sich!!!!!

Ende