Читать книгу Bayrisch durchs Jahr - Helmut Zöpfl - Страница 17

Lang war der Tag,

hoaß und voll Plag.

Jetzt geht er z’End.

Und mir hockn unterm Kastanienbaum

im Wirtsgartn drent.

Sitzn da beim Bier und beim Leberkaas, lacha und redn über irgendwas:

über Gott und die Welt, über andere Leut

und gfreun uns grad,

weils uns alls no so gfreut.

Wenn’s von untn a wengerl hera ziagt,

wenn ma a bißl a Ganshaut kriagt,

ziag i mei Joppn o, zahl und geh hoam.

Und i gfreu mi beim Hoamgeh scho

wieder auf moang.