Читать книгу Песнопения для паломников, путешествующих по святым местам Палестины и Синая - Группа авторов - Страница 9

Тропарь святым праведным Богоотцам Иоакиму и Анне, глас 2

Праведных Твоих, Господи, память празднующе,/ теми молим Тя: //спаси души наша.

Ин Тропарь, глас 1

Иже в законней благодати праведни бывше, / Младенца богоданнаго породиша нам, Иоаким и Анна. / Темже днесь светло торжествует, / весело празднующи божественная Церковь честную вашу память, / славящи Бога, воздвигшаго рог спасения нам //в дому Давидове.

Крестный путь начинается вблизи Львиных ворот. Библейское название – Овечьи; в христианской традиции – Стефановы: недалеко от них был побит камнями первомученик архидиакон Стефан.

Кондак, глас 2

Радуется ныне Анна, / неплодства разрешившися соуз, / и питает Пречистую, / созывающи вся воспети / Даровавшаго от чрева ея человеком едину Матерь //и неискусомужную.

Величание

Величаем вас, / святии праведнии Иоакиме и Анно, / и чтим святую память вашу, / вы бо молите за нас //Христа Бога нашего.