Читать книгу АСАРЛАР ТЎПЛАМИ (3-жилд) - - Страница 16

Ошиқларнинг бир кўчаю,

        Бунда бир тандир кулча.

Осмонда ой бир кулчаю,

        Сенинг юзинг – бир кулча.

Бир ҳовли ҳам бир уйчаю,

        Ичи тўла гулғунча.

Бунда бир тандир кулчаю,

        Сенинг юзинг – бир кулча.

Бир йўлакча, бир йўлчаю,

        Унутмасман, ўлгунча.

Сенинг юзинг – бир кулчаю,

        Кимларга тақдир кулча?..

Кўнгил энди зор гўшаю,

        Йиллар қайдадир, кулча?

Қолиб кетди бир кўчаю,

        Кўкларда ой – сир кулча.