Читать книгу АСАРЛАР ТЎПЛАМИ (3-жилд) - - Страница 19

Мажнун учун дил овунчи

        саҳроларнинг қумидадир,

Кимлар учун ҳаёт завқи

        май, шаробнинг хумидадир.

Кимлар учун бахт – дунёнинг

        Ҳинду Хитой, Румидадир,

Сенинг учун гўзал рўё –

        Умидадир, Умидадир.

Ойнинг ўзи чиройига

        ҳавас билан қарабмидир?

Офтоб ўзи сочларини

        нурга белаб тарабмидир?

Муҳаббат ҳам меҳр, толе

        ўшал дилнинг умридадир,

Унинг ёри агар шундоқ

        Умидадир, Умидадир.