Читать книгу Цветок души. Сборник стихов / Урмала савгъат - - Страница 6

Дир кIияйго ясалъул

Квералги ккун уней дун!

Аллагь, гьарула, цIуне

Гьал тIанчIи дир къоязе!

Дир кIиябго бакъалъул

Нуралъ къалъун йиго дун!

Дие гьеб канлъи свине,

Сордо гуреб, бачIунге!

Дир кIиябго кваркьиялъ

Роржен чIаголъун буго!

БетIергьан! Милъиргицин

Гьезул бортизе тоге!

Дир кIиябго квералъулъ

КIигоги гьитIинаб квер!

ГIажаиблъи! Гьез ккведал

Дун ятула яхъунчIун.

РекIелъ их даимлъизе

Дир каранда кIиго тIегь!

Гьал – дие, дун – гьазие

ГьечIеб къо бачIунгеги!

Дир кIияйго ясалъулъ

Дир эбелгун дир якьад!

Хиралъараб кIиго рухI —

РайхIанатгун ГIайишат.

Дир бабада рихьичIел

Гьал тIуран рахъинегIан

Дунялалда хутIани,

Щукру дуе, БетIергьан!

Амма дир ясал гьарун,

НуцIихъе чи вачIани,

Валлагь

гьадаб бакIалда

Гьадаб къоялъ

хола дун!