Читать книгу Mi Revalueshanary Fren - Linton Kwesi Johnson - Страница 12

STREET 66

di room woz dark-dusk howlin softly

six-a-clack,

charcoal lite defying site woz

movin black;

di soun woz muzik mellow steady flow,

an man-son mind jus mystic red,

green, red, green . . . pure scene.

no man would dance but leap an shake

dat shock tru feelin ripe;

shape dat soun tumbling doun

makin movement ruff enough;

cause when di muzik met I taps,

I felt di sting, knew di shock,

yea had to do an ride di rock.