Читать книгу Dou di ned o - Ludwig Fels - Страница 12

subdiles boem

I hob nix gecha di

i hob nix gecha mi

nix gecha Godd

glabd mer blouß ned jeds Wodd

hob nix gecha Kindä

bin selber blouß a glaner Sindä

hob nix gecha Kadzn

hob nix gecha Hund

sulang mi di Mais ned freßn

bleib i kugelrund

hob a nix gecha Liebe

hob a nix gecha Luschd

im Hobbala der Driebe

werd ofd a Kuß verbfuschd

i bin am Leem

ned grang und no ned doud

wos Scheeners derfds edz länger nemmer geem

des ledschde Lichd is dick wäi Bloud.