Читать книгу От улыбки станет мир светлей / Җирдә елмаюлар күбәйсен! - Шагинур Мустафин - Страница 4

Галигә зират яныннан

Үтәргә туры килә.

Бик курыкканга, йөрәге

«Чыгам, чыгам!» дип тибә.

Җитмәсә, сызгыра кемдер —

Арттан куалар кебек!

Өенә кайтып егыла,

«Аһ» килеп тә «ваһ» килеп…

Өйгә кайткач та, сызгыру

Тукталмый да тукталмый…

Шунда гына Гали-батыр

Ялгышканлыгын аңлый.

Сызгырган ич үз борыны! —

Еласынмы, көлсенме?!

…Куркаклык ул – иң зур хурлык! —

Харап итә кешене…