Читать книгу Das kleine Glück - Helmut Zöpfl - Страница 9

So lang ma Lust hat, ausschlafn könna,

net oiwei bloß der Uhrzeit nachrenna;

Zeit habn für alls, zum richtig Verdaun,

as Fleißigsei als Laster oschaun.

Über Leut, de arbadn, schadnfroh lacha,

bloß des, was ma gern duad, wirkli aa macha.

Gehn und wandern ohne fests Zui,

as Lebn wieder mehra oschaugn als Spui.

Beim Trinkn oder beim Schmankerl-Eßn

auf d’ Kalorientafel vergeßn.

Net nachdenka müaßn, sondern einfach bloß traama

und trotzdem dabei mit si selber aufraama.

Net müaßn und solln bloß allewei,

sondern frei sei könna, i-selber-sei.

Se auftankn könna für längere Zeit,

bis dann in am Jahr is wieder soweit.